Los Angeles:
Ka khubor na Hollywood ka iathuh ba ia ka Deadpool 3 la rai ban leit ring mynta ki bnai pyrem ha kaba kane ka phlim yn direk da u Shawn Levy bad ha kajuh ka por yn pynmih da ka Marvel Cinematic Universe.
Ka Deadpol 3 kan sa pyniakynduh lang ia u Hugh Jackman bad u Ryan Reynolds bad naduh u snem ba la leit u Ryan ula pynbna ia ka kyrteng u Hugh kum uwei na ki dkhot katei ka phlim.
Ha ka Deadpol 3 u Hugh un ak biang ia ka bynta kum u Wolverine bad u Ryan pat kum u Mutant Anti Hero. Ka khubor na Hollywood ka iathuh ba la buh ia ka tarik ban leit ring ia kane ka phlim bad kane ka long ha ka 1 tarik u Jymmang.
U Hugh uba la ak khatduh eh ia ka bynta kum u Wolverine ha u 2017 ula soi ia ka Deadpol 3hadien ka jingshah pynbor ha u Ryan ha kaba um shim nud satia ban kyntait ia kane.
Ha kaba iadei bad kane ka bynta yn leit ban ring sha London, UK bad kumjuh ruh sha Vancou ver, Canada. U Ryan ha kawei na ki jingiakren bad ki nongthoh khubor ha kaba iadei bad ka Deadpol 3 ula ong ba u da sngewkmen eh ban ioh ak phlim lang bad u paralok ba iajan bad u, bad kyrmen skhem ruh ba kane ka bynta kan khring ia ki paidbah kum ba long ki bynta ba sha khmat.
Ki khubor ki iathuh ba ka Disney kala bynnud bha ia ka jingduhnoh jong ka ia u Hugh ha kaba une u tyngshop ula ak nyng kong eh ia ka phlim jong katei ka kompani ha u 2000 bad ioh jingiaroh na kiba bun.
Kumba ka paw u Ryan bad u Hugh ki dei ki para lok kiba iajan bha bad kiba sngewtynnad ruh ruh mar kylliang.
U Hugh ha kawei na ki jingwan shim bynta ula kren halor ka Deadpol 3 da kaba ong ba lada ym dei da ka jingshah pynbor bad lada ym dei na u Ryan da lei lei ruh un ym treh ban ak bad shim bynta ha katei ka phlim.
Ha kaba iadei bad kane ka phlim lah ban pynmih haduh ka kut snem lane haduh u snem ban wan.
