Los Angeles:
U Idris Elba uba la ak ha ka Luther ula kren halor ka jinglong kongsan kane ka phlim na ka bynta jong u ha kaba nalor kane u Elba ula pynshai ruh ba ha khmat jong u ka Luther ka dang kham khraw bad dang kham biang ban ia ka James Bond.
U Idris uba la mih khubor ha kine ki khyndiat bnai ba un sa ak ha ka James Bond ula pynshai ba da lei lei ruh un nym treh ban ak ia katei ka phlim bad sngew ba kiwei kiwei ki phlim ki dang kham biang eh ia u ban lam khmat.
Ka daw kaba pynlong ia u Idris ban ym kwah ban ak ha ka James Bond ka long namar ba u sheptieng ba ioh ki mih ki jingkynthoh ba u dei u bym biang ne u bym iahap ban ak ia ka bynta jong u James Bond.
Une u tyngshop uba la 50 snem ula wanphai biang kum u John Luther ha ka ‘Luther: The Fallen Sun’ bad mynta u snem ngin sa iohi ruh ia u ha ki katto katne ki phlim thymmai.
U Idris um don jingsngew lada um shim ioh ban ak ha ka James Bond bad ong ba ha ka jingsngew jong u kane ka phlim ka dang kham biang hi ban ak ki tyngshop dohlieh. Hadien ka jingiehnoh u Daniel Craig ia ka bynta jong u James Bond ki la mih ki khubor hamsaia ba u Idris un sa ak noh ia ka.
Hynrei mynta hadien ba une u tyngshop ula pynshai ia kane lehse baroh baroh kin sa sngewthuh hi. Na ka bynta u Idris u sngewtynnad bha ban ak bad shim bynta ha ki phlim iashoh bad ong ba kine ki phlim ki dei kiba khring bha ia u naduh ka sien nyngkong ba ula rung sha Hollywood.
