Mumbai:
Ka Alia Bhatt, Ranveer Singh hadien jong ka Rocky Aur Rani Ki Prem Kahani, kin sa iakynduh biang ban ak ha kawei na ki phlim thymmai jong u Bhansali ha kaba ka kyrteng jong kane ka phlim ka dei ka Baiju Bawra.
Hadien jong ka Gully Boy kaba la ioh jingiaroh na kiba bun ki nongpeitkai bad ha kajuh ka por iohpdiang bun tylli ki khusnam ha ki snem ba la leit kine arngut ki la iakynduh biang ha u 2022 da kaba ak ha ka Rocky Aur Rani Ki Prem Kahani bad mynta pat la pynbna ba kin sa ak ruh ha ka Baiju Bawra.
Kawei na ki lad pathai khubor jong ka Bollywood ka iathuh ba kine arngut kin sdang ban leit ak ia kane ka phlim naduh ki bnai ba pdeng mynta u snem bad u Bhansali naduh ka sien nyngkong ba ula thmu ban shna ia katei ka phlim ula don hapoh ka jingmut jingpyrkhat ban pynak beit da ka Alia bad u Ranveer.
U Bhansali ula dep lypa ban pynkhreh ia ka khana jong kane ka phlim la kumba arsnem tam mynta bad dei mynta u snem ba ula pynbna ban leit ring noh ia ka ha ki bnai lyiur.
Ki don ruh ki khubor kiba iathuh ba u Bhansali u lah ban leit ring ia ka ha u bnai Jylliew lane Nai tung.Kumba katto katne ki bynta jong kane ka phlim yn ring ha Mumbai bad ia kiwei kiwei pat ki bynta ym pat shim la iathuh shano ban leit ring.
Ka Alia kala ak nyng kong eh ia ka phlim u Bhansali ha ka Gangubai Kathiawadi bad u Ranveer pat ula ak ha ka Ram-Leela, Bajirao Mastani bad Padmaavat.
U Bhansali myna u dang pynkhreh ban pynmih noh ia ka ‘Heera mandi’ kaba long kawei na ki Web Series.
