Mumbai:
Ka Deepika Padukone hadien ba ka la shah jied ban long kawei na ki nongsam khusnam ha ka Oscars, la ioh khubor ruh ba kane ka puron ka la shah thung ha ka taiew ba la leit kum ka nongrah ktien jong ka Qatar Airways bad kane ka khubor ka la pynheh mynsiem shi katdei eh ia ki nong kyrshan jong kane ka puron ki bym shim poi pyrkhat ne khmih lynti ia kane.
Ka Deepika kaba la shah thung kum ka nong rah ktien ka Louis Vuitton bad kiwei kiwei ki kompani ba paw jong ka pyrthei mynta ka la shah thung ruh kum ka nong rah ktien ka Qatar Airways kawei ka ki kad liengsuiñ kaba la ioh jing iaroh na kiba bun ki nongshong liengsuiñ halor ka jinglah jong ka ban pynbiang ia ki jingdonkam jong ki briew bad kiwei kiwei.
Ka jingshah thung ka Deepika kum ka nongrah ktien jong ka Qatar Air ways ka long ka burom bakhraw ia kane ka puron bad kumjuh ruh ia ka ri India hi baroh kawei.
Ka Deepika hadien ba ka la shah pynkhamti kum ka nongrah ktien ka Qatar Airways ka la kren halor ka jingkwah jong ka ban wad ki lad ki lynti kumno ban nang kham khring shuh shuh ia ki nongshong shnong jong ki ri ka pyrthei ban leit ban wad daw katei ka kad liengsuiñ.
Ym pat ju don kano kano ka puron ka Bolly ood ka ban shah thung kum ka nongrah ktien ka Qatar Airways bad tang ka Deepika hi marwei bad kane ka la pynlong ia kiwei kiwei ki khlur ak phlim ban kwah ban long lem kum ki nongrah ktien jong ka hadien habud.
U hehduh ka Qatar Airways Group u Mr Akbar Al Baker, ula pynpaw ka jingsngewkmen bakhraw ban pynbna ia ka kyrteng ka Deepika kum ka nongrah ktien bad nongpynbna jong ka Qatar Airways bad pdiang sngewbha ruh ia ka.
Ha ka jingiakren u Akbar bad ki lad pathai khubor ka daw ba la jied da ka Deepika kum ka nongrah ktien ka dei namar ba ka long kaba biang bha na ka bynta kane.
