Dhaka:
Ka khubor na Bangladesh ka iathuh ba ki trai jong ki rynsan pyni phlim bapher bapher ba don ha kane ka ri ki la byrngem ban khang khyrdep ia la ki rynsan lada ym shah ban pynmih ne pyllait paidbah ia ka Pathaan ha kaba kane ka phlim kaba la kamai bha ha kylleng ki ri ka pyrthei la rai ban pyllait paidbah noh sa ha Bangla desh ha kine ki sngi ban wan.
Naduh u 2014 ym shim la don kano kano ka phlim Bollywood ban pynmih ne pyni ha kane ka ri bad kane ka la ktah shi katdei eh ia ki trai jong ki rynsan bapher bapher.
Hynrei dei mynta ba ka sorkar Bangladesh ka la pynkut noh ia ka jing khang ia ki phlim Bolly wood bad ailad ban pyni noh ia ki ha ki rynsan jong kane ka ri.
Hynrei kane ka rai jong ka sorkar ka la pynlong ia ki katto katne ki nongshna phlim bad nong pynmih phlim ka Bang ladesh ban nym sngewtynnad bad rai ban khang lad beit ia ki phlim Bollywood.
Kane ka jingleh jong ki nongshna phlim ka la pynlong ia ki trai jong ki rynsan ban ym lah ban pdiang naba ki sngewthuh ba ka jingduhnong ba khraw ka la wan sha ki naduh ba la khang ia ki phlim Bollywood ha kane-ri.
Ki trai jong ki rynsan bapher bapher ki la rai ruh ba lada ym shah ban pyni ia ki phlim Bollywood ha ki rynsan kin khang khyr dep noh syndon ia ki rynsan khnang ba ki phlim Bangladesh kiba thmu ban pyni bad pynmih kin mad lem ia ka jingduhnong.
Ka jingshah khang jong ki phlim Bollywood ka la pynduhnong bha ia kiba bun kiba ym kwah shuh ba kane kan jia biang.
