Mumbai:
Ka Aditi Rao Hydari ka la kren halor ka jingangnud jong ka ban ioh ak ia ki phlim kiba syrïem kum ka Pushpa ha kaba kane ka puron wat lada ka la don bynta ha ka kam ak phlim la bun bun snem mynta pynban kam pat ju iohlad ban ak ia ki phlim bakhraw kumba long ka Push pa.
Ha kawei na ki jingwan shim byn ta ka Aditi ka la phla ba lada ka shah tyrwa ban ak ha ki phlim kiba biang bad kiba ka khana ka long kaba khring ia ka kan ym pynsepei satia ia kaba kum kane ka lad.
Nalor kane ka Aditi ka la ai jing iaroh ia ka Tolly wood kaba long ka karkhana kaba la pdiang sngewbha ia ka naduh ki snem ba la leit ha kaba wat lada kam shim la iohlad than ban ak ha ki phlim Bollywood pynban ka Tollywood ka la wanrah jingkyrmen na ka bynta ka jingim jong ka.
Kane ka puron kaba la ak ha ka TAJ- Divided by Blood kaba la shim bynta lang da u Naseeruddin Shah, Dharmendra, Rahul Bose, Zarina Wahab, Sandhya Mridul bad kiwei kiwei ka sngewkmen ruh ha kajuh ka por ba ki Web Series kila plie lad bha ia ka bad ka la iohlad ruh ban ak ha ka Heeramandi ka Web Series ba direk da u Bhansali.
Kum ka puron ka Aditi ka la ioh ban shim bynta ha ka Padmaavat bad ak kum ka Mehrunisa bad wat lada ka bynta jong ka, ka long kaba lyngkot pynban ka la ioh jingiaroh na ki nongpeitkai.
Katba dang iaid ki snem ka Aditi ka la sdang kham jied ruh ia ki phlim ba ka shim bynta bad kam kwah shuh ban ak ia ki phlim kiba ka bynta ka la dep ban ak teng ha ki snem ba la leit.
Haba iakren halor ka Heera mandi ha kane ka Web Series la ak lang ruh da ka Sonakshi Sinha, Manisha Koirala, Richa Chadha, bad kiwei kiwei bad kan sa ak ruh ha ka phlim jong u Vikram Aditya Motwane’ ka Jubilee.
