Mumbai:
Ka Sonam Kapoor kaba na ka por sha ka por ka ju kynthoh bad kren beiñ ia ka Deepika Padukone la ka long ha ka riam ka beit ba ka phong ne ka jingleit shim bynta sha kylleng ki jaka mynta ka kynti ruh ka la kynthoh biang ia ka Deepika ha kaba kane ka jingleh jong ka Sonam ka la pynlong ia ki nongbud bad nongkyrshan ka Deepika ban thalaiñ tyngeh ia ka da kaba ong ba kane baroh ka dei tang namar ka jingsngew bishni ia ka jingkiew ka Deepika ha ka kam ak phlim bad kumjuh ruh ka jingshah jied jong ka ban long ka nongrah ktien jong ki byrta kiba na shabar ri bad kumjuh ruh ka jingshah jied ban long ka nongpyni ia ka Trophy jong ka World Cup kaba dang shen bad ha kajuh ka por ka nongsam khusnam ha ka Oscars.
Ka Sonam ka bym ju salia ban kynthoh iano iano lehse kan sa hap ban pynduh noh syndon ia kane ka jingmlien jong ka ha kaba lada ka dang iaineh sah ha kane kajuh ka jinglong ka lah ban mad jingeh bha.
Ka Sonam ka bym ju iahap jingmut bad ka Deepika, bunsien ka ju ai jingiaroh ia ka Katrina bad Anushka halor ka jingnang ban riam ban beit bad kam ju don kawei ruh ka sien ba kan iaroh ia ka Deepika.
Kane ka jingleh ka Sonam, kam shim don kano kano ka jingktah ia ka Deepika ha kaba kane ka puron ka la pyni pat da ki kam ba ka trei.
Wat lada bunsien ka Deepika ka ju mad ia ka jingshah kynthoh ha ka Sonam pynban ka trei bad ka leh ia kaei ba ka hap ban leh bad kam shim la pynshah shkor ia kano kano.
Haba iakren halor ki phlim ka Deepika ka dang shu dep ak ha ka Pathaan ha kaba kane ka phlim ka la long ka Block buster Film bad ngin sa iohi ruh ia ka ha ka Fighter bad u Hrithik Ros han kumjuh ruh ha ka Project K bad u Prabhas.
Ka Sonam pat ka dang ap ia ka jingpyllait paidbah ia ka phlim Blind kaba la shim na kawei ka phlim South Korea kaba iathuh halor kawei ka heh pulit kaba matlah.
