Los Angeles:
Ka khubor na Holly wood ka iathuh ba ka la mih ka jingshisha halor ka jingbym shah khot ka longiing Kardashian ban wan shim bynta ha ka 2023 Met Gala ka dei tang namar ka jingkynad kaba la don hapdeng kane ka longiing bad ka Editor-in-Chief jong ka Voque ka Anna Wintour kaba dei ruh kawei na ki nongpeit jong ka Met Gala.
Ka longiing Karda shian manla u snem ka ju ioh ban leit shim bynta ha kane ka tamasa ha kaba ki dkhot jong kane ka longiing ki ju phong ruh ia ki riam ki beit kiba khring ia kiba bun ki paidbah.
Mynta u snem ki nongpeit jong kane ka tamasa ki la shim ia ka rai ban nym khot shuh ia ki dkhot katei ka longiing ban wan shim bynta ha kane ka tamasa ha kaba kane lehse kan sa pyndiaw bha ia kiba bun kiba ju kwah bha ban iohi ia ka Kim, Kendall, Kylie, Kourtney bad Khloe ha ka Met Gala.
Kane kan dei ka sien nyngkong ba ka longiing Kardashian kan duh ban shim bynta ha ka Met Gala bad ban pyni ia ki riam ki beit jong ki ha ka Red Carpet. Ka Kim ka la wan shim bynta nyngkong eh ha ka Met Gala ryng kat bad u kurim jong ka u Kanye West bad kane ka dei ruh ha ka por ba ka dang pun ia ka North.
Mynta u snem ha ka Met Gala yn sa kynmaw burom ia u Creative D irector ka Chanel bad Fendi u Karl Lagerfeld uba la noh synniang bha ha kaba iadei bad ka jingpynwandur ia ki riam ki beit, ki juti, ki bek bad kiwei kiwei.
Ha u snem ba la leit ka Kim K ka la mad ia ka jingshah kynthoh ha kiba bun ha ka Met Gala bad ka daw ka long namar ba ka la phong ia ka sopti jong ka Marlyn Monroe kaba la buh sah kynmaw ha kawei ka Museum.
