Mumbai:

Ka Kriti Kharbanda ka la ther tyngeh ia ka Hina Khan halor ka jingkynthoh jong ka ia ki puron ka South India ha kaba ka Kriti ka sngew ba kaei ba ka Hina ka kren ia ki puron ka South India ka dei kaba ym lah satia ban pdiang.

Ka Hina kaba la paw na ka bynta ka serial Yeh Rishta Kya Kehlata Hai bad Kasautii Zindagii Kay 2 bunsien ka ju kren ia kiei kiei kiba kam shim pyrkhat shwa bad teng teng kine ki jingkren jong ka ki ktah bha ia kiwei pat.

Ha kane ka kynti ba mynta ka Hina ka la kren beiñ bad kynthoh ia ki puron ka South India bad kane ka jingkren jong ka, ka la pynlong ia ka Kriti ba kam lah shuh ban sngap. Ka Kriti kaba la ak ha ki katto katne ki phlim South India ka sngew ba ka jingkren jong ka Hina ia ki puron ka South India ka dei kaba la ktah bha ia kiba bun bad kumjuh ruh ia ka bad ka donkam ruh ban ai jingsneng ia ka halor kane.

Nalor ka Kriti wat ka Hansika Motwani ruh ka la pynpaw ka jingbitar ia ka jingkren ka Hina bad ki khubor ki iathuh ba ka Hina ka la beiñ ia ki puron ka South India namar ba ki sngaid bad kim don dur don dar bad ha kajuh ka ka por kim don satia ia ka met ka phad ka ban khring ia ki nongpeitkai.

Ka Kriti ha ka jingwan shim bynta ha kawei ka interview ka la kren halor ka Hina da kaba ong ba kane ka puron ka donkam ban teh lakam ia ka ktien ka thylliej jong ka ym ban shu padiah kulmar than eh ioh ba ka ktah ia kiwei pat.

Shuh shuh ka Kriti ka la ong ruh ba ki puron ka South India ki kham pawnam bad paw pyrthei ban ia ka Hina bad kane ka puron kam long eiei ha khmat jong ki.

Ka Kriti ka la bynrap ruh da kaba ong ba kam myntoi ban don ia ka met ka phad kaba biang bad itynnad kum jong ka Hina hynrei ym don eiei pat ban leh.