Los Angeles:
Ka Kremlin ka la kynthoh ia ka Hollywood hadien ba ka phlim lyng kot halor u Navalny ka la iohpdiang ia ka Best Documentary Feature ha ka Oscars. Halor kane ka Kremlin ka la pynpaw ia ka jingbym sngewtynnad bad ka jingbym lah ban pdiang ia katei ka khusnam ba kane ka phlim ka ioh.
Kane ka phlim lyng kot jong u Alexei Navalny ka iathuh halor ka jingshah aibih jong u ha ka por ba u la leit sha Siberia bad mardor la ai jingsumar kyrkieh ia u ha Germany.
Hadien jong ka Oscars kaba la long ha ka Sngi u Blei ka Moscow ka la kynthoh jur ia ki bor ba dei peit jong ka bad ka jingai khusnam ia katei ka phlim kaba dei halor uwei na ki nongialeh pyrshah ia ka sorkar bad uba la shah set patok.
Ka khubor ba la pynmih na Kremlin ka iathuh ba kane ka jingsam khusnam ia katei ka phlim ka long pynban kum ban ai ding shuh shuh ia kito ki briew kiba kwah ban hiar kput ia ka sorkar Russia bad pynrem jur ia ka Hollywood ha kaba iadei bad kane.
Uwei na ki nongai ktien ka Kremlin ha ka jingiakren bad ki nongthoh khubor ula iathuh ba ka jingiohpdiang khusnam katei ka phlim ka long ruh ka jing iasylla lang jong ki nongsain pyr thei ka US bad ka Holly wood.
Ha kane ka phlim lyng kot la iathuh halor kumno u Alexei Navalny uba la 46 snem ula kren bad kynthoh ia ka sorkar u Putin bad la direk ia ka phlim da u Daniel Roher.
La ong ba kane ka phlim lyngkot ka dei ruh kaba la ioh jingiaroh na kiba bun ki nongpeitkai jong ki ri ka pyrthei.
