Los Angeles:
U Guillermo del Toro u la pan jingkyrshan na ki ba bun ba lang ha kaba iadei bad ki phlim Animation ha kaba u Guillermo ha ka jingwan shim bynta ha ka Oscars kaba la long ha ka sngi U Blei u la ong ki phlim Animation ki la sdang kham iaid bad kwah ruh ba da ka jingai jing kyrshan jong ki nongpeitkai yn dang kham iohlad ban pynmih kham bun shuh shuh ia ki.
U Guillermo uba la iohpdiang khusnam ha ka kyrdan Best Animated Feature Film category ha ka Oscars na ka bynta ka ‘Pinocchio’ ula ai jingmut ia kiba bun ki nongshna phlim bad kumjuh ruh ki direktor ba ki dei ban sdang shim khia lang ia ki phlim Animation naba kine kin sa long ruh kiba iaid bha ha ki snem ban wan.
U Guillermo uba la don 58 snem bad uba dei ruh-u direktor u thrang ban direk kham bun shuh shuh ki phlim animation ha ki snem ban wan bad ong ba kiba kum kine ki phlim ki khring bha ia ki khynnah bad ia ki samla ruh kumjuh.
Une u direktor uba la ioh ban pdiang haduh 3 sien ia ka Academy Award ha kaba iadei bad ki phlim ba u direk ha ka jingai jingkren sha ki nongthoh khubor hadien jong ka Oscars u sngew ba ka Hollywood kan sa nang kham kiew shuh shuh ha
ki snem ban wan lada ka lah ban pynthymmai ia ka rukom shna bad pynmih phlim ha kane ka kar khana.
Ban shna ia ki phlim Animation ka long kaba remdor haduh katta katta hynrei u Guillermo um shim la pynsngew ne shah shkor ia kane bad u leh beit ia kaei ba ka mynsiem jong u ka kwah bad mynta ula ioh ruh ia ka bainong jong ka jingtrei shitom jong u baroh shi katta.
