Hyderabad:
U tyngshop ka RRR u Jr NTR u la kren halor ka jingitynnad ia u Brad Pitt bad nalor kane u la pynpaw ruh ia ka jing-angnud ban ioh ia treilang bad utei u tyngshop ha ki phlim.
U Jr NTR, uba long uwei na ki tyngshop jong ki phlim Telegu bad uba la paw bha ha ka kam ak phlim katba dang iaid ki snem ha ka jingai jingkren hadien ka jingwan shim bynta ha ka Oscars ula ong ba u don jingangnud ban ioh iatrei lang bad u Brad Pitt bad itynnad ruh ia une u tyngshop ha jan baroh ki phlim ba u shim bynta.
U NTR u ban sa ak ha ki katto katne ki phlim thymmai ula iapbieit bha ia- u Brat Pitt ha ka Troy bad ong ba kane ka long ruh kawei na ki phlim ba itynnad tam jong utei u tyngshop.
Nalor u Brad Pitt u Jr NTR ula kren ruh halor ka jingangnud jong u ban ioh shim bynta ha ki phlim ka Marvel bad kyrmen ba ka por kan sa wan hi ha ka jingim jong u ba un lah ban pynurlong ia baroh kitei ki jingthmu bad jingkwah jong u.
Haba iakren halor ka phlim RRR kaba long ruh kawei na ki phlim kaba la ioh jingiaroh na ki nongpeitkai ym tang na India hynrei na kiwei kiwei ki bynta jong ki ri ka pyrthei ka iathuh ia ka khana jong arngut ki nongialeh laitluid u Alluri Sitarama Raju bad Komuram Bheem.
Ha kane ka phlim ka Alia Bhatt ruh ka la iohlad ban shim bynta lang bad kumjuh ruh u Ajay Devgn. Ka jingrwai na kane ka phlim ka Naatu Naatu ka la iohpdiang khusnam ha ka Academy kaba dang shu dep long ha u Kylla lyng kot bad kumjuh ruh ka Oscars.
