Thiruvananthapuram:
Hadien ba ka ‘The Elephant Whisperers’ ka la ioh ban rah ia ka Oscars na ka bynta ka Best Documentary Short Film, u Myntri Rangbah ka jylla Tamil Nadu u MK Stalin u la pynkup burom ia ki arngut ki Mahout kiba la ri bad sumar ia ki khun hati kiba don ha ‘Elephant Camp’ jong ka Anamalai Tiger Reserve ha kaba u MK Stalin ula ai sngewbha ruh ia ka pisa kaba long kumba 9.1 klur ban shna ia ka iing ka sem ba kin shong kin sah ki Mahout bad ha kajuh ka por ai ruh kumba 5 lak ban pynbha bad ban peit ia ki jingdonkam ka Ana malai Tiger Reserve.
Ha kajuh ka por la sam ruh mar 1 lak ia u Bomman bad Bella kiba long ki Mahout kiba la ri bad sumar ia ki khun hati hadien ba ka kmie ka la khlad noh.
Ka 13 tarik u Lber ka long ka sngi sah kynmaw ia ka India hi baroh kawei ha kaba ka Elephant Whisperers ka phlim ba la pynmih da ka Netflix bad kaba la direk da ka Kartiki Gonsalves bad pynmih da ka Guneet Mo nga, ka la iohrah ia ka nam Best Documentary Short Film.
La iathuh ba ym pat ju don kano kano ka phlim na India ka ban iohrah ia katei ka khusnam bad kane ka dei ka sien nyng kong ha kaba ka long ka jingkmen bad ka jing sarong ia ka ri hi baroh kawei.
Ka khana jong ka Elephant Whisperers ka la ktah ia ka jingsngew jong kiba bun bad hadien ba kane ka phlim ka la iohpdiang ia ka Oscars bun ki la wan ban peitkai ia ki khun hati kiba la ri ha Anamalai Tiger Re serve.
