Los Angeles:
Ka Drew Barrymore kan sa shimti kum ka nongpyniaid jong ka MTV Movie & TV Awards ka ban long ha u bnai Jymmang ha kaba kane ka puron kaba la 48 snem ha ka sngi Balang ka la pynbna ia kane ha ka Talk Show ‘The Drew Barrymore Show’.
Kane ka puron ka la pynpaw ka jingsngew burom ban shah jied ban long ka nongpyniaid jong katei ka Award Show ka ban long ha ka 7 tarik u Jymmang ha Barker Hangar kaba ha Los Angeles.
Ha kine ki taiew ban wan yn sa pynbna ruh ia ka kyrteng jong ki nongsam khusnam bad kito kiba la shah jied ban iakhun ha ki kyrdan bapher bapher jong kane ka jingsam khusnam.
Ka Drew ka long ruh ka puron jong ki phlim kum ka E.T. the Extra-Terrestrial, Charlie’s Angels, Scream bad The Wedding Singer bad naduh u 2020 ka la shimti ban long ka nongpyniaid jong ka The Drew Barrymore Show.
Kum ka puron ka Drew ka la shah jied haduh 9 sien ban iakhun ha ki kyrdan bapher bapher jong ka MTV Movie & TV Awards bad ka la ioh pat ban rah tang 3 sien ia ki khunsam ha katei ka Award Show.
