Bangalore:
Ka khubor na Tollywood ka iathuh ba ka Kantara kan sa long kawei na ki phlim ka ban screen ha ka United Nations Human Rights Council ha kaba nalor kane u direktor bad u tyngshop kane ka phlim u Rishab Shetty un sa long ruh uwei na ki nongai jingkren ha United Nations.
Ka Kantara kaba dei kawei na ki phlim ba la pynmih ha u 2022 ka long ruh ka phlim ba itynnad bha jong utei u snem bad kane ka phlim ka la shah jied ruh ban iakhun sha ka Oscars.
Hadien ba la mih khubor ba u Rishab Shetty un long uwei na ki nongai jingkren ha ka UNHRC ka ban long ha Geneva bun ki la ai ka jingkitbok na ka bynta une u tyngshop bad kumjuh ruh na ka bynta ka Kantara.
Ka jingshah jied u Rishab Shetty ban ai jingkren ha ka UNHRC ka dei halor ka mat kumno ban khanglad ia ka jingpom bad jingpynjulor ia ki khlaw ki btap, ban iada ia ka mariang bad kiwei kiwei.
Ka BJP Karnataka ha kaba iadei bad ka jingshah jied ka Kantara ban pyni kyrpang ha United Nation bad kumjuh ruh ka jingai jingkren u Rishab Shetty ha ka UNHRC ka la pynpaw ka jingai khublei ba kyrpang ia utei u tyngshop ba ula wanrah burom ia ki nongshong shnong kane ka jylla.
Naduh ba la pynmih bad pyllait paidbah ia ka Kantara bun ki la ai jing iaroh ia katei ka phlim halor ka jinglong itynnad jong ka bad bun ki la khmih lynti ruh ba kane ka phlim kan ioh pdiang khusnam namar ba ka khana ka dei kaba biang bha.
