Guwahati, Lber:
Ka kynhun pulit na ka Directorate of Vigilance & Anti-Corruption jong ka tnat pulit ka jylla Assam ha ki khyndiat sngi kiba la leit noh ki la ïoh ban kem ïa u Lat Mandal na ka shnong Hajo, Kamrup district na ka daw jong ka jingdonkti jong u ban shim beaiñ ïa ka pisa na ki ‘riew paidbah. U Lat Mandal u ba la shah kem ha katei ka sngi u dei u ba la tip kyrteng kum u Tankeswar Nath – u ba la shah kem katba u dang shim ïa ka pisa T.4,000 na uwei u briew u ba la leit ujor ha ki bor pulit DV&AC. Utei u Lat Mandal u la shah kem na ka shlem treikam jong u Revenue Circle Officer ka thaiñ Hajo.
Kat kum ka kyrwoh ba la pyllait da u ADGP – Surendra Kumar u la ïathuh ba u Tankeswar Nath u la shah kem na ka daw jong ka jingdonkti jong u ban shim beaiñ ïa ka pisa na uwei u briew u ba thmu ban pynkylla ïa ka jaka puta jong u sha ka Miyadi Patta.
Ïa utei u Lat Mandal ba la shah kem ha katei ka sngi la rah sha ‘judicial custody’ na ka bynta ban pynlong ïa ki jingtohkit kiba dang sah.
