Mumbai:
U A R Rahman uba la iohlad ban iakren bad u L Subramaniam hadien jong ka Oscars u la pynpaw ba ka daw ba ki phlim na India kim ju iohpdiang ia ki khusnam ha kaba iadei bad ka Best Film ka dei namar ba ka India kam nang satia ban phah ia ki phlim kiba itynnad ban iakhun ha katei ka jing sam khusnam.
Ha ka jingsngew ba shimet jong u Rahman ula ong ba ka India nangne sha khmat kan hap sangeh noh syndon ban phah ia ki phlim ki bym itynnad ban iakop bad kiwei kiwei ki ri ka pyrthei bad donkam ban jied noh da ki phlim ba itynnad ban iakhun ha katei ka rynsan.
U Rahman uba long uwei na ki nongthaw jingrwai uba la ioh ban rah teng ia ka Grammy bad Oscars u sngew ruh ba ka long donkam ban jied ia ki phlim kiba kynsai bad kiba biang ban iakhun ha katei ka rynsan bad u itynnad ba kiwei kiwei ki ri ka pyrthei ki nang kumno ban jied ia ki phlim ban iakop ha ka Oscars lem bad kiwei kiwei ki phlim jong ki ri ka pyrthei.
U Rahman uba la don 56 snem ha ka jingiakren bad u Subramaniam ula ong ba ka long kaba eh haduh katta katta ban jied ia ki phlim kiba biang ban iakhun ha ka Oscars bad donkam ruh ia ka jingai jingmut lem jong kiwei pat.
Mynta ka kynti u Rahman u kmen pat ba ki phlim na India ki la wanrah nam bad burom bad kyrmen skhem ruh ba ha ki snem ban wan ki phlim kiba itynnad yn jied ban leit shim bynta ha ka Oscars.
La bunsien ka India ka la phah ia ki phlim jong ka ban iakhun sha ka Oscars hynrei na ka daw ba kine ki phlim kim dei than kiba itynnad dei ruh na kane ka daw ba ki la shah kyntait noh.
