Los Angeles:
Ka Jennifer Lopez kan sa ak ha ka phlim Un stoppable ha kaba kane kan dei ka Sports Drama bad ia kane ka phlim yn pynmih da u Ben Affleck. Ka Jen kaba la don 53 snem kan sa shim bynta ha kane ka phlim kaba iathuh halor ka jingim jong u Anthony Robles uba long uwei na ki nongmareh thong jong ka America bad uba la rah haduh 3 sien ia ka National Championship ha ka Arizona State University.
Ha kaba iadei bad ka khana jong kane ka phlim yn sa peit bad pynbiang da u William Goldberg uba la pynpeit bad pynbiang ruh ia ki khana jong ki katto katne ki phlim bad un sa shimti ruh kum u direktor jong ka Unstoppable.
Ka Unstoppable kan dei ka phlim kaba nyngkong ba ka Jen kan iatreilang bad u Ben bad ka Jen ka la ai jingmut bad ai mynsiem ruh ia u Ben ba un shna ia ka phlim ‘Air’. Ha kaba iadei bad ka Unstoppable yn pynkhreh ban sdang leit ring ha kine ki bnai ban wan bad lah pat ban pynmih haduh u 2024.
Katkum ka jingiakren ka Jen bad ki nongthoh khubor ka khana jong kane ka phlim ka la khring bha ia ka bad dei ruh na kane ka daw ba ka sngew ka biang bha ia ka ban soi ia kane.
