Los Angeles:
Ka Julia Garner ka don jingkyrmen ba ka Biopic jong ka Madonna yn sa lah ban pynmih ha ki snem ban wan ha kaba ka Julia ka angnud bha ban ioh don bynta ha katei ka Biopic bad khamtam lei lei ban ak ia ka bynta jong ka Madonna.
Ha ka jingshisha ia kane ka Biopic la khmih lynti ban pynmih mynta u snem hynrei na ka daw ba ka Madonna ka hap ban leit rwai kylleng la hap ban pynsangeh noh shwa ia ka.
Ka Julia kaba la ak kum ka ‘Ozark’ ka da thrang shisha ban ioh ak kum ka Madonna bad sngew ba kane ka nongrwai ka la ai mynsiem bha ia ka ha ki snem ba la leit.
Ha ka jingiakren bad kawei na ki lad pathai khubor ka Hollywood ka Julia ka shu don jingkyrmen ba lehse ha ki snem ban wan ka jingthmu ban pynmih ia kane ka Biopic kan sa iaid sha khmat khlem kano kano ka jingshah khanglad khanglynti.
Ha kaba iadei bad kane ka Biopic ka Madonna ka la rai ban direk hi ia ka bad sngew ba dei tang ma ka hi marwei kaba lah ban leh ia kaei kaei kaba long donkam na ka bynta kane ka Biopic.
