Los Angeles:
U Barry Keoghan un sa shim bynta ha ka Gladiator 2 ha kaba une u tyngshop un ak ia ka bynta jong u Emperor Gata ha kane ka phlim kaba yn direk da u Ridley Scott. U Barry uba la ak ha ka ‘Banshees of Inisherin’ ula soi ia kane ka phlim kaba yn lam khmat da u Paul Mescal u ban ak kum u Lucius u khun jong ka Lucilla bad Commodus.
Ha kaba iadei bad ka bynta ba-ar jong ka Gladiator yn pynmih haduh u 2024 bad u Russell Crowe uba la ak kum u Maximus Decimus Meridius ha ka bynta banyng kong un nym ak shuh ia ka. Ka Gladiator ka long kawei na ki phlim kaba la ioh ban pdiang bun tylli ki Oscars ha ki snem ba la leit bad ka daw ka dei namar ka khana bad ka jingtbit u Ridley Scott ban direk ia ka.
U Barry Keoghan haba iakren halor ka bynta kaba un hap ban ak ha ka Gladiator 2 ula pynpaw ka jing sngewkmen halor kane bad ha kajuh ka por ka jingbym lah ban mutdur ban ioh don bynta ha kawei na ki phlim jong u Ridley Scott.
Ha u bnai ba la leit u Paul Mescal ha ka jingiakren bad ki nongthoh khubor ha kaba iadei bad ka Gladiator 2 ula ong ba ia kane ka phlim yn sdang ban leit ring naduh ki bnai lyiur mynta u snem bad khmih lynti ba kane ka bynta kan khring ia ki nongpeitkai kumba long ka bynta kaba la dep ban mih.
