Los Angeles:
U Adam Sandler u la iohpdiang ia ka Mark Twain Prize for American Humor ha kaba une u tyngshop u la leit ban pdiang ia katei ka khusnam na Washington’s Kennedy Center.
U Adam uba long uwei na ki tyngshop jong ki phlim shutia u la iohpdiang ia katei ka khusnam halor ki phlim kiba ula ak ha kaba la wan ban sakhi ia kane da ki khlur ak phlim kum ka Drew Barrymore, Conan O’ Brien, Chris Rock, Jenni fer Aniston, Steve Busce mi, Dana Carvey bad Luis Guzmán.
Ki paralok jong une u tyngshop haba iakren halor ka jingiohpdiang jong u ia ka Mark Twain Prize ki la pynpaw ka jingsngewkmen na ka bynta jong u bad iaroh ia ki phlim ba u shim bynta.
U Sandler uba la don bynta bad ka Hollywood la bun bun snem ula khring ia kiba bun lyngba ki kam ba u trei kaba long ruh ka jingkyrkhu na ka bynta jong u.
Hadien ka jingiohpdiang ia katei ka khusnam u Sandler ula ai khublei ia ki paralok parajor, ki bahaiing hasem bad ki nongbud bad nongkyrshan jong u kiba la don ryngkat lang bad u ha ka jingiaid lynti ha Hollywood.
Kum u tyngshop u Sandler ula ak haduh 30 tylli ki phlim kiba la iaid iew bha. Napdeng ki phlim ba u ak kiba iaid bha ki kynthup ka Happy Gilmore, The Wedding Singer,You Don’t Mess with the Zohan, Punch Drunk Love bad Uncut Gems.
