Mumbai:
Hadien ba u Salman Khan ula shah byrngem biang ha ka kynhun jong u Lawrence Bishnoi ka khubor kaba la ioh ka iathuh ba ka longiing Khan ka la dap da ka jingkhuslai na ka bynta jong u ha kaba kane ka la ktah jur ruh ia u kpa jong u Salman, u Salim Khan uba la duhthiah duh dem hadien kane.
Uwei na ki paralok ba iajan bha bad u Salman ula iathuh ba ka longiing Khan ka la khuslai jingmut bha halor kane ka jingshah byrngem biang u Salman bad u Salim u shu dap tang da ka jingsngewsih bad jinglynga pisa ka mynsiem naba u sheptieng ia la u jong u khun.
Ha kine ki khyndiat sngi la ioh khubor ba u Salman ula shah byrngem biang ha ka kynhun u Lawrence Bishnoi ha kaba kane ka kynhun ka la dawa na une u tyngshop ba u dei ban panmap halor kaei kaba ula leh ha ki snem ba la leit bad lada um lah ban leh ia kane un sa ngat kumba long u Sidhu Moosewala.
U Salman uba dei ruh u tyngshop uba baroh baroh ki itynnad bad iapbieit bha bad uba dang pynkhreh ban pynmih ia ka Kisi Ka Bhai Kisi Ki Jaan mynta ka kynti hadien ka jingshah byrngem biang ula pan jingiada na ki pulit ka Mumbai bad kham pynjur shuh shuh ha ka iingsah jong u ka Galaxy Apartment.
U paralok ba iajan bad une u tyngshop ula ong ba u Salman um shim don kano kano ka jingsheptieng halor kane ka jingshah byrngem ne u shu hap ban leh kumne tang ba ki bahaiing kin ym long khuslai jingmut than na ka bynta jong u.
Haba iakren halor ki phlim ia u Salman ngin sa iohi ha ka Tiger 2 kaba ula ak lang bad ka Katrina Kaif bad ia kane ka phlim lah ban mih haduh ka jing rakhe ia ka Diwali mynta u snem.
