Los Angeles:
Ka kynhun rwai HELLOWEEN ha ka jingwan shim bynta ha kawei na ki show jong ka Canada ka la pynbna ia ka jingthmu jong ka ban pynmih thup jingrwai thymmai ha kaba u Micheal Kiske uba dei u nongrwai kane ka kynhun ula iathuh ba baroh ki dkhot ki sngew ba ka por ka la biang ban sdang mih pyrthei biang.
La bun bun snem mynta kane ka kynhun kam shim la iohlad ban pynmih thup jingrwai na ka daw ba baroh ki dkhot ki bunkam ha la ki jong ki kam bad dei mynta u snem ba ka la don ka jing iarai lang ban pyrkhat noh halor kumno ban sdang pynmih thup jingrwai thymmai.
Ka jingjah jong kane ka kynhun la bun snem mynta bad ka jingbym lah ban pynmih thup jingrwai ka la pynlong ia ki nongkyrshan ban kwah ia ka ba kan mih pyrthei biang.
