Los Angeles:
Ka Kim Kardashian kaba ju leit shim bynta manla u snem sha ka Met Gala ka la pynpaw ka jingsngew bitar halor ka jingduh ban leit shim bynta sha kane ka tamasa ha kaba katkum ka khubor ba la ioh ka longiing Kardashian mynta ka kynti kam shim la shah khot ban wan shim bynta ha kane ka tamasa.
Ka khubor ka iathuh ba ka Editor jong ka Vogue kaba la shah pynkhamti kum ka Chair woman jong ka Met Gala mynta u snem ka la rai ban nym khot ia ka longiing Kardashian sha kane ka tamasa ha kaba ka Kim hadien ba ka la ioh khubor halor kane ka la sngew bitar bha.
Ka Kim kaba la 42 snem ha ki snem ba la leit ka la leit shim bynta sha kane ka tamasa ryngkat bad ki para bad hynmen jong ka bad kumjuh ruh bad u kurim ba la shong khlad bad mynta u snem ka Kim kaba la pynkhreh bha ha kaba iadei bad kane kan ym ioh satia ban shim bynta naba ym shim la khot sngewbha ia ka bad ia ki bahaiing hasem jong ka.
Kane ka nongseng jong ka Skims la 10 snem kynthih ka la leit ban shim bynta ha ka Met Gala bad kane ka dei ka sien nyng kong ia ka bad ia ki dkhot ka longiing longsem jong ka ban duh leit shim bynta ha kane ka tamasa ba khraw jong ka Holly wood.
Ka Kim ka la leit ban mih khmat sha ka Met Gala na ka bynta ka kompai jong ka bad kumjuh ruh ka Kylie Jenner na ka bynta ka kompani ba ka seng ka Kylie Cosmetics.
