Mumbai:
U Kumar Sanu uba long uwei na ki nongrwai ba paw bha jong ka Bollywood ha ki snem ba la leit bad uba la rwai ruh ia ki katto katne ki phlim jingieit kiba sngewtynnad ula kren halor ka jingshem jingeh jong ki nongrwai kiba long kum ma u ban rwai ha ki phlim ha kaba kane baroh ka dei tang na ka daw jong ka jingwan tuklar palat ki tyngshop ia
ki kam ba ki nongrwai ki dei ne hap ban leh.
U Kumar Sanu u sngew ba ka kam jong ki nongrwai ha ki phlim sa tang katto katne kan sa duh noh naba ki khlur ak phlim mynta ki kwah ban rwai hi ha ki phlim bad ha kajuh ka por lada don makna ki nongrwai kiba la buh ban rwai na ka bynta ki phlim ki shah tuklar noh.
Ha ki por bad snem ba la leit u Kumar Sanu u sngew ba ki khlur ak phlim kim ju tuklar ia ki kam jong ki nongrwai bad ki leh beit ia la ka jong ka bynta, hynrei mynta pat kane ka la kylla khongpong.
Dei ruh naduh kane ba une u nongrwai ula sdang kiar ban rwai ha ki phlim bad pynleit jingmut pat ha kiwei kiwei ki kam.Kum u nongrwai u Kumar Sanu ula rwai ha bun jait ki ktien kynthup Hindi, Marathi, Assamese, Bhoj puri, Manipuri, Nepali, Malayalam, Tamil, Telu gu, Punjabi, Odia bad kum juh ruh English.
Ha ka jingsngew ba shimet jong u Kumar Sanu da ka jingwan tuklar jong ki khlur ak phlim ia ki kam jong ki nongrwai kane ka long kumba knieh noh ia ka pliang ja jong ki.
