Mumbai:
Ka Shilpa Shetty Kundra ka la shim bynta lang ha ka phlim KD – The Devil ha kaba kane ka puron kan sa ak lang ha kane ka phlim bad u Sanjay Dutt bad Dhruva Sarja bad kane ka phlim ka dei kaba la pynshong nongrim halor kaei kaba la jia ha Bengaluru ha u 1970.
Ki nongshna ka phlim KD – The Devil ha ka sngi Balang ki la pynbna ia ka jingdon bynta ka Shilpa ha kane ka phlim thymmai kaba yn pynmih ha ka ktien Hindi, Tamil, Telegu bad Malayalam.
Hadien jong ka KGF: Chapter 2 u Sanjay Dutt ula iohlad ban soi sa ia kawei pat ka phlim South bad une u tyngshop haba iakren halor kane u la ong ba ki khana jong ki phlim South mynta ki khring bha ia u bad dei ruh na kane ka daw ba um ju nud satia ban kyntait ia kino kino ki phlim South kiba u sngewthuh ba ka iahap bad biang ia u ban shim bynta.
Na ka bynta ka Shilpa ruh ka sngewkmen ban ioh don bynta lang ha kane ka phlim bad u Dhurva.
