Mumbai:
U Zayed Khan uba la rakhe ia ka jingdap 20 snem ha Bollywood ula iathuh halor ka phlim thymmai kaba un ak mynta u snem ha kaba une u tyngshop uba la ak ha ki phlim kum ka Main Hoon Na, Dus, Yuvvraaj bad kiwei kiwei ula iathuh ba kane ka phlim thymmai jong u ka dei kaba kyrpang bha bad kaba u donkam bha ban pynshitom ialade.
U Zayed uba la rung ak phlim nyngkong eh ha u 2003 da kaba ak ha ka Chura Liyaa Hai Tumne bad ka Esha Deol ula pynpaw ka jingkmen ban ioh ak ha ka phlim kaba u ju thrang eh ha ka jingim jong u bad rai ba un ialeh katba lah ban pyrshang pynbiang ia kaei kaba donkam na ka bynta kane ka phlim ba kan long kaba itynnad bad kaba pynshoh jingieit ruh ia ki nongpeitkai.
Hadien ka jingpynbna u Zayed ba un sa ak ha kawei ka phlim thymmai ka Esha Deol lem bad kiwei kiwei ki khlur ak phlim ka Bollywood ki la ai ka jingkitbok na ka byn ta jong u ha kaba iadei bad kane ka kam ba u trei.
U Zayed la kumba katto katne snem mynta ula jah rngai na ka kam ak phlim bad dei ha u snem ba la leit ba ula mih pyrthei biang ban pynpaw ia ka sap ba u don.
Ka jingjngai u Zayed na ka Bollywood ka dei na ka daw ba um shim ioh ban ak ha ki phlim kiba u kwah. Wat hadien ba ula jah shipor na kane ka kar khana pynban bun ki dang kynmaw ia u bad ia ki phlim ba u ak bad pdiang sngewbha biang ia u sa shisien ha Bollywood.
Ha kine ki snem ba la leit wat lada u Zayed um shim ioh ban don bynta bad ka Bollywood pynban ula long pat u Model jong ki katto katne ki kompani jaiñ bad shim bynta ruh ha ki Ramp Walk jong kiba bun ki show ba la pynlong ha Mumbai bad ha kiwei kiwei ki nongbah.
