Los Angeles:
U Ben Affleck u la kren halor ka jingkmen ban ioh ia ka lad ban treilang bad u Matt Damon ha kaba u Ben ha kawei na ki jingwan shim bynta ula iathuh ba dei ka jingiahap jingmut kaba la pynlong ia u ba un sngewtynnad ban iadei kam bad u Matt.
Baroh ha Hollywood ki tip ia ka jingiaieit para lok bad ka jingiajan u Ben bad u Matt ha kaba wat lada ki bunkam katno katno ruh pynban ki ju ialeh ban pyllait por ban iakynduh.
La ong ba u Ben haba u don kano kano ka phlim thymmai u ju leit ban tyrwa shwa ia u Matt bad kwah ruh ia u paralok ba un ak ha ki phlim ba itynnad jong u.
Ka jingiadei paralok jong u Matt bad u Ben ka la long la bun bun snem mynta bad ngin sa iohi ia u Matt ba un ak ha kawei ka phlim thymmai ban direk u Ben kaba dei halor u Creative Director ka Nike.
Ha ki snem ba la leit ka phlim ba la ak da kine arngut ka Goodwill Hun ting ka la long ruh ka phlim kaba la ioh ban rah ia ka Oscars Awards bad ha kajuh ka por kiwei kiwei ki phlim ba ki ak lang ki dei ruh kiba itynnad bad kiba iaid bha bad kiba la khring ruh ia ki nongpeitkai.
