Los Angeles:
Ka Biopic jong ka kynhun rwai KISS la rai ban pynmih haduh u 2024 ha kaba ki dkhot kane ka kynhun ha kawei na ki jingleit shim bynta ki la kren bad iathuh ia kane bad ong ba ia kane ka Biopic yn direk da u Joachim Ronning uba long uwei na ki nongshna phlim ka Norway bad uba la direk ia ki phlim kum ka “Kon-Tiki”, “Maleficent: Mistress Of Evil” ba “Pirates Of The Caribbean: Dead Men Tell No Tales”.
Ha kaba iadei bad kane ka Biopic ia ka khana yn thoh da u Ole Sanders bad kane ka Biopic kan iathuh ia baroh kiei kiei kiba ka kynhun rwai KISS ka la leh ka jingleit shim bynta ha ki Concert bapher bapher bad kiwei kiwei.
Kane ka kynhun ka la paw pyrthei ha ki snem 60 bad 70 bad u nongrwai khmat ka KISS u Paul Stanley ha ka jingiakren bad ka Kylie Olsson ka nongpyniaid jong ka Download ula kren halor kane ka Biopic da kaba ong ba ka dei ka jing angnud jong baroh ki dkhot ban pynurlong ia ka.
