Los Angeles:
Ka Michelle Rodriguez ka la ai jingiaroh ia u Jason Momoa ha kaba iadei bad ka bynta ba ula ak ha ka Fast X kum u riewsniew ha kaba ka Michelle kam shim poi pyrkhat ba u Jason un nang bad un tbit ban ak ia katei ka bynta.
Ka Michelle kaba la don 44 snem kaba la ak kum ka Letty Ortiz ha ka ‘Fast X’ ka da kmen shisha ba u Jason Momoa ula don bynta lang ha kane ka phlim bad ong ba kane ka la nang kham pynbang shuh shuh ia ki nongpeit kai ha kaba iadei bad kane ka phlim.
Ha ka Fast X u Jason ula shim ia ka bynta kum u Dante Reyes bad ngin sa iohi ia u Jason ba un iashoh bad u Vin Diesel uba la ak kum u Dom Torentto ha kane ka phlim.
Katkum ka jingiathuh jong ka Michelle ka khana jong ka Fast X ka dei kaba itynnad bha bad lehse bun ki nongpeitkai kin sa dap da ka jinglyngngoh ynda la pyllait paidbah ia kane ka phlim.
Ka jingdon bynta u Jason ha ka Fast X ka dei ruh hadien ba u Dwayne Johnson ula mih noh na kane na ka daw jong ka jingbym iahap jingmut bad u Vin Diesel.
