Los Angeles:
U Wayne Swinny uba dei u nongtem Guitar ka kynhun rwai Saliva ula khlad noh hadien ba ula ioh ia ka Brain Haemorrhage ha kaba u Wayne ha ryngkat u Josey Soctt, Dany Novotny, Chris Dabaldo bad Paul Crosby ki dei ruh ki dkhot ka Saliva bad ki nongseng kane ka kynhun.
Ka khubor ba la ioh ka iathuh ba u Wayne Swinny uba la don 59 snem ula khlad ha ka por ba kane ka kynhun ka dang thmu ban leit shim bynta sha Pittsburgh ha ka sngi Ba-ar.
Ki dkhot kane ka kynhun ha ka jingiakren bad ki lad pathai khubor ki la pynpaw ka jingsngewsih bakhraw halor ka jingduhnoh ia u Swinny bad ong ba ka jingkhlad kyndit jong u ka dei ka jingduhnong bakhraw ia ka Saliva.
