Mumbai:
U Aamir Khan uba la ak ha ki phlim kum ka Lagaan, Rang De Basanti bad kiwei kiwei u la kren halor ka jingbym lah ka Bollywood ban shna ia ki phlim kum jong ka Hollywood ha kaba u Aamir u sngew ba dei na kane ka daw ba ka Bolly wood ka dang kham long sahdien bha ha kaba iadei bad ka rukom shna phlim wat haduh mynta.
U Aamir u sngew ba wat tang ia ki phlim kum ka Inception ka Bolly wood kam pat shim lah satia ban shna wat haduh mynta bad ynnai ia ong sa ia kiwei kiwei de ki phlim.
U Aamir uba la shah sin kum u ‘Perfect ionist’ u don jingkyrmen bad u khmih lynti ba lehse ha ki snem ban wan ka Bolly wood kan sa lah hi ban shna ia ki phlim kum jong ka Hollywood bad kane ka dei ruh tang lada ki nongshna phlim bad direktor ki kham shim khia noh halor kane.
Haba nujor ha ka rukom shna phlim ha Bollywood bad Holly wood u Aamir ula ong ba ka Hollywood ka la kham kiew shaphrang ha kiba bun ki liang bad ki nongshna phlim kim salia satia ban shna ia kino kino ki phlim kiba eh bad kiba jynjar bad ki kwah ruh ban pyrshang.
Hynrei u Aamir u kmen pat ha kawei ka liang ba ki nongshna phlim ka Bollywood ki la sdang ioh mynsiem ban shna ia ki katto katne ki phlim kiba iasyriem bad ki jong ka Hollywood kiba kynthup ia ka Pathaan kaba long ruh kawei na ki phlim ba itynnad bha mynta u snem.
Ha kajuh ka por u Aamir ula pynpaw ruh ba lada ka Bollywood ka lah ban shna ia ki phlim kumba long ka Holly wood ha ki snem ban wan kan sa long kum ka jingphohsniew.
Une u tyngshop ula ai mynsiem ruh ia ki nong thoh khana ha kaba iadei bad ki phlim ba kin kham pyrshang ban pynleit jingmut noh sa ha kiwei kiwei ki khana kiba kham biang khnang ba ka Bollywood kan kiew ha kaba iadei bad ka rukom shna ia ki phlim.
Nalor kane u Aamir u kwah ruh ia ki khlur ak phlim kane ka karkhana ba ki dei ban shim khia bha ia ka kam ak phlim ban kyntiew ia kane ka karkhana.
