Los Angeles:
U Nongrwai Hip-Hop u Jay-Z uba la tip ruh da ka kyrteng sin kum u Jigga ula shah nam kum uwei na ki nongrwai Hip Hop ba riewspah tam ha ka pyrthei ha kaba kane ka long ruh namar ka jingdon jingem jong u mynta ka la kot sha ka 2.5 Billion.
Katkum ka jingwad jingtip jong ka Forbes la lap ba Jay-Z ula long mynta uwei na ki nongrwai ba riewspah tam ha kane ka pyrthei bad u la wan ba-ar hadien jong u hehspah Bernard Arnault, uba dei u CEO jong ka LVMH Moet Hennessy Louis Vuitton.
Ka kaiphod ka iathuh ba ka jingdon jingem jong uBernard Arnault ka long haduh $216.1 billion bad kane ka dei namar ka jing iaid bha jong ka kompani jong u kaba ula ioh ban buh bad pynmih ia ki tnat treikam hajan kawei pa kawei ka ri jong ka pyr thei.
Haba phai pat sha ka liang jong u Jay-Z une u nongrwai ula kiew ha ka spah ka phew na ka daw jong ka kompani pynmih jingrwai.
Nalor kane une u nong rwai ula iohnong bad ioh jingmyntoi ruh da ka jingpynmih ia ka Armand de Brignac champagne bad D’Usse cognac.
U Sean P Diddy ruh ula don lang ha ka thup kum u briew uba riewspah tam ha ka pyrthei naduh u snem ba la leit bad kane ka dei lyngba ka jingpynmih ia ka DeLeon Tequila bad REVOLT network bad ula knieh noh ia ka kyrdan ba la bat da u nong rwai Rap u Kanye West.
