Mumbai:
Hadien ka jingbym iaid jong ki phlim ba u ak, ki khubor kiba la ioh ki iathuh ba u Ranveer Singh u la shim ia ka rai ban trei shitom noh na ka bynta ka Baiju Bawra bad kwah ba kane ka phlim kan pynlong ia u ba un ioh jingiaroh na ki nongpeitkai.
U Ranveer uba la shah weng noh na ki katto katne ki phlim u sngew ba u donkam shisha ban pynleit jingmut ha ka kam ba u trei bad kwah ruh ban pynurlong ia ka jingangnud jong u ban long biang u khlur ak phlim uba kynsai.
Une u tyngshop uba la duh ia ka lad ban trei bad ka Yash Raj Films na ka jingbymiaid ki katto katne ki phlim u sngew ba u donkam bha ban ioh biang ia ka jingshaniah bad ka jingkyrshan jong kiba bun bad rai ban long uba shim khia bad uba trei shitom ha ka kam ka jam.
La ong ba ka lad kaba u Ranveer u ioh mynta ban pynpaw pyrthei biang ialade ka dei satang ha ka Baiju Bawra ka phlim jong u Bhansali bad kaba un ak lang da ka Alia.
U Bhansali um shim la duh jingkyrmen satia ha u Ranveer bad u don ka jingshaniah ba une u tyngshop un leh ia kaei kaei kaba donkam na ka bynta katei ka phlim.
Ha kajuh ka por u Ranveer ula pawnam bad paw pyrthei ha ka kam ak phlimlyngba ka jingiohlad ban ak ha ki phlim u Bhansali kiba kynthup ka RamLeela, Bajirao Mastani bad Padmaavat.
