Los Angeles:
Ka Scarlett Johansson bad Gwyneth Paltrow ki la kren halor ka rai ban iehnoh syndon ia ki phlim ka Marvel naba kine ki puron kim kwah shuh ban ak biang ha ki phlim ba la pynmih da katei ka kompani ha kine ki snem ban wan.
Ka Scarlett kaba la shim ia ka bynta kum ka Black Widow ha ki phlim ka Marvel ka sngew ba mynta ka donkam ban pynleit jingmut noh sa ia kiwei kiwei de ki phlim ym ban shu ap sah ia kajuh ka bynta.
Ka jingpynbna kine arngut ki puron ba ki la rai ban sangeh noh syndon ban ak ha ki phlim ka Marvel ka long kaei kaei kaba bun ki nongpeitkai kim shim poi pyrkhat ne khmih lynti bad ka Gwyneth ha ki snem ba la leit ka la ak kum ka Pepper Pots ha ka Iron Man.
Hadien ba kine arngut ki la soi ia ki phlim ka Marvel kim shim la iohlad than ban ak ha kiwei kiwei ki bynta jong ki phlim bad kane ka la pynduhnong shisha ia ki.
Mynta ba ki la rai ban iehnoh syndon ia ki phlim katei ka kompani lehse kin sa iohlad ban shim khia ban ak sa ia kiwei kiwei ki bynta jong ki phlim ba la wan tyrwa.
