Mumbai:
Kawei na ki puron ka Tollywood ka Madhoo Shah ka la kren halor ka jingdon hok ka Alia, Deepika ba Kangana ban dawa ia ka jingsiew baheh ha kaba iadei bad ki phlim ba ki shim bynta ha kaba kino kino ki phlim ba la ak da kine ki puron ki dei kiba khring bha ia ki nongpeitkai.
Ka Madhoo kaba la ak ha ka Shaakuntalam ka la ai mynsiem ia kine 3 ngut ki puron ba kim dei ban don ia ka jingsngew salia ban dawa ia la ka jong ka hok namar ki kam ba ki trei ki dei kiba biang.
Kane ka puron kaba la peit bha halor ki kam ba la trei da kine 3 ngut ka shem ba ki long kiba biang bad sngew ba ki da trei shitom shisha ba ki phlim jong ki, kin long kiba itynnad bad khring ia ki nongpeitkai.
Naduh ba ka Priyanka ka la kren halor ka jingpher ka jingsiew ia ki puron bun ki la ai jingkyrshan halor kane ka jingkren jong ka bad mynta ka Madhoo ruh ka sngew iahap bha ia kane.
Ka Madhoo ka sngewdiaw bha haba ka peit ba ki puron kiba lam khmat ha ki katto katne ki phlim ba itynnad ki ioh duna bha ka jingsiew bad sngew ba kane ka la pynduh jingkyrmen pynban ia ki ba kin trei bha ia ki kam ki jam jong ki.
Ka Madhoo ka kyrmen skhem ba lehse ka por kan sa poi hi ha kaba ki puron kin sa ioh hi ia kaei kaba ki dawa bad kane ka long ruh lada baroh ki iaryntih lang ban iakhih na ka bynta kane kajuh.
Na ka bynta ka Madhoo ki puron kum ka Alia, Deepika bad Kang ana ki la pynlong ia ki nongpeitkai ban angnud bha ban wan peit ia ki phlim jong ki sha ki rynsan.
