Los Angeles:
Ka Kylie Jenner hadien ka jingshah kynthoh ha kiba bun halor ka jingleh surgery ia ki bynta ka durkhmat kane ka hehspah kaba long ruh ka Model ka la pynpaw ba kam don jing sngew halor kaei kaba kiwei ki kren ia ka bad sngew ba ka dei ruh ka hok jong ka ban leh katba ka mon ia la ka jong ka durkhmat.
Ka Kylie ha kawei na ki interview ka la pynpaw ruh ba kam shim babe halor kaei ba ka leh ialade bad sngew bhabriew pynban. Kane ka hehspah kaba la don jingiadei bad u Timothee Chalamet ka dei kawei na ki dkhot jong ka longiing Karda shian /Jenner ban leh ia ka surgery bad ki hynmen jong ka baroh ki dei kiba la dep ban leh teng ia ki surgery bapher bapher.
Ki don ki khubor kiba iathuh ba ka daw ba ka Kylie ka leh ia ka surgery ha ki bynta jong ka durkhmat ka dei ban kham itynnad bad ban kham bhabriew.
Ka Kylie kaba dei ruh ka trai jong ka Kylie Cosmetics ka sngew ba naduh ba ka la don la ka jong ka kompani pynmih jingtah pynbha briew ka kwah ban pynitynnad bad ban pynphuh pynphieng ialade khnang ba kan lah ban khring ia kiba bun ba kin pyndonkam ia ki tiar jong ka kompani jong ka.
Ka Kylie ka sngew ruh ba ka jingleh ia ka surgery ka long ka jingmyntoi bakhraw bha na ka bynta jong ka.
