Los Angeles:
Ka khubor na Hollywood ka iathuh ba ka Disney ka la shim ia ka rai ban weng kam sa kumba 4,000 ki nongtrei ha kaba kane kan dei ruh ka sien ba-ar ia kane ka kompani ban weng kam ia ki nongtrei jong ka.
Ha u snem ba la leit kane ka kompani hadien ba ka la mad ia ka jingduhnong ka la weng kam haduh 7,000 ki nongtrei bad mynta u snem ka la don jingthmu ban weng sa kumba 4,000.
Ki lad pathai khubor ki iathuh ba ka jingsdang jong ka Disney ban weng kam ia ki nongtrei kan long naduh ki bnai lyiur bad ka la dep ban phah jingtip ruh sha ki nongtrei jong ka ha kaba iadei bad kane.
Kane ka sien ba-ar ba ka Disney kan weng kam ia ki nongtrei kan sa ktah bha ia kiba dei ha ka Disney Entertainment bad EPSN bad kumjuh ruh Disney Parks, Exper iences bad Products.
Ha kajuh ka por ki nongtrei ka Disney ki ban shah ktah bha ha kaba iadei bad kane kin long kiba na Burbank, Califo rnia, New York, bad Conn ecticut.
Ka Disney ka la mad jingeh naduh ba la wan lynshop ka khlam ha kaba kane ka la ktah jur bha ia kane ka kompani bad ha kajuh ka por ia ki phlim ba ka pynmih.
U CEO ka Disney u Bob Iger ha ka jingiakren bad ki lad pathai khubor halor kane ka jingthmu ka Disney ula ong ba um don lad don lynti shuh da kumne bad um banse ban hap shim da kane ka rai.
Shuh shuh ula pynpaw ruh ba kane ka kompani mynta ka don hapdeng ka jingeh bakhraw bha bad ha kajuh ka por ka jingduhnong bad ka jingshah ram bad ula pyrshang katba don ki lad ki lynti ban weng noh ia kine ki jingeh kiba ka Disney ka la don ha kine ki sngi bad por ba mynta.
