Los Angeles:
Ka Shakira kaba dei kawei na ki nongrwai ba na Colombia kan sa shah pynkup burom da ka Woman of the Year ha ka Billboard’ Latin Women ka ban long ha u Jymmang ha kaba kane ka dei ruh ka sien nyngkong ban pynlong ia ka Billboard Latin Music Award ha US.
Ha kaba iadei bad ka jingpynlong ia kane ka Billboard Latin Music Awards yn pyniaid da ka Ivy Queen bad Jacqueline Bracamontes bad ki nong shah pynkup burom kin long ruh ka Ana Gabriel, Emilia, Evaluna, Goyo bad Thalia.
Ka Shakira kaba long kawei na ki nongrwai kaba la lah ban pyniaid iew haduh 95 million ki thup jingrwai jong ka, ka long ha kajuh ka por ka nongrwai Latin kaba paw pyrthei bha.
Kum ka nongrwai ka Shakira ka la ai mynsiem ruh ia kiba bun ki samla kynthei bad shynrang lyngba ki kam ba ka trei bad bun ki sngew iahap ruh ia ka ban shah pyn kup burom da ka ‘Woman of the Year’.
