Los Angeles:
Ka Mattell kaba long kawei na ki kompani kaba la pynmih ia ki khun mynriew (Barbie) ka la iohlad ban pynmih ia ki khun mynriew ba kyrpang kiba dei na ka bynta ki khynnah kiba don ia ka Down’s Syndrome. Kane ka kompani ka sngewthuh shai ba baroh ki khyllung khynnah ki dei ban ioh lehkai ia ki Barbie naba ki long ruh ki khun mynriew kiba itynnad bha.
Ka Mattel kaba la pynmih ia ki Barbie la bun phew snem mynta ka la shim ia ka lad ban pynmih ia ki Barbie ba kham kyrpang na ka bynta ki khyllung khynnah kiba don ia ka Down’s syndrome ba kin ioh ban lehkai bad ban pynmyllen ialade.
Ha ki snem ba la leit ka Mattel ka la pynmih ruh ia ki Barbie na ka bynta kito ki bym iohsngew,dkhot kjat, bad kiwei kiwei bad mynta u snem ka la shim ia ka lad ban pynmih sa na ka bynta ki khyllung khynnah kiba don ia ka Down Syndrome.
Ka jingpynmih ka Mattel ia kine ki khun mynriew ba kyrpang ka dei ban snohkti lang bad ka National Down Syndrome Society (NDSS).
