Los Angeles:
Kawei ka Model kaba iasyriem bad ka Kim Kardashian ka Ashton Gourkani ka la khlad noh na ka jingpang kyndit ha kaba kane ka la jia ha shwa ba kan leh ia kawei ka surgery ka ban pyniasyriem shuh shuh ia ka bad ka Kim.
Ka Christina Ashten Gourkani kaba la sin ruh da ka Ashten G kaba dang 34 snem ka la khring ia kiba bun da ka jinglong iasyriem jong ka bad ka Kim bad don bun ki nongkyrshan ha Social Media.
Hynrei kyndit kynsan ha ka sngi Balang ki bahaiing hasem jong kane ka Model ki la pynbna ia ka jingkhlad jong ka kaba la pynlyngngoh ia kiba bun.
Don kiba la sngewsynei halor kane ka jingkhlad ka Ashten bad don pat kiba la beiñ bad kynthoh ia ka ba kam hun ia kaei kaba u Blei ula buh ia ka ban long bad kwah ban pyrthut bud kumba long ka Kim bad long kumne mynta.
