Los Angeles:
Ki nongshna ia ka phlim James Bond ki la kyntait ban wan ring ia ka Skyfall sha India wat hadien ba ka sorkar India ka la shah bad ailad ia kane hadien ba u Union Minister kane ka ri u la buh kawei ka kyndon ia ki nongshna bad nongpynmih kane ka phlim ba ym dei satia ban ring ia kane ka phlim ha ka por ba ka rel ka dang iaid.
Ki khubor na Holly wood ki iathuh ba u direktor Sam Mendes, u da kwah shisha ia ka Skyfall ban wan ring sha India hynrei hadien jong ka kyndon kaba la buh da u Union Minister kane ka ri la pynsangeh noh syndon ban wan ring ia ka.
Ka Skyfall kaba la mih ha u 2012 ka dei kawei na ki bynta jong ka James Bond kaba la khring bha ia ki nongpeitkai bad ka dei ruh ka Blockbuster Film.
Ka daw ba u Union Minister um shim la shah ban ring ia kane ka phlim ha ka por ba iaid ka rel ka dei namar ba um kwah ba kan don kano kano ka jingma lane jingmynsaw ia u tyngshop.
Ha ka jingshisha la thmu ban wan ring ia ki katto katne ki bynta jong ka jingiashoh ha kane ka ri, hynrei namar ki kyndon ba la buh la sangeh noh shwa bad la leit ban ring pat sha kiwei kiwei ki ri.
Kumjuh ruh la mut ban ring ruh ia ka Skyfall ha nongbah Mumbai hynrei namar ka jingkhapngiah palat ia kane ruh la hap ban pynsangeh noh shwa bad la peit sha ki jaka kiba kham long kylluid.
