Tehran:
Uwei na ki nongshna phlim ba paw ka Iran, u Jafar Panahi u la ioh ban mih noh na Iran lem bad ka kurim jong u ka Tahereh Saeedi ha kaba kane ka long hadien ba la weng noh ia ka jingkhang ban leit bar ri.
Haduh 14 snem u Jafar lem bad ka Saeedi kila hap ban shu shong tang ha Iran khlem da ioh ban leit sha kino kino ki ri ka pyrthei hadien ba ka sorkar ka la khang pyrshah.
Hynrei kynsan kynsan mynta ka taiew ka sorkar ka la pynbna ban weng noh ia kane ka jingkhang ha kaba u Jafar ula dap da ka jingkmen halor kane.
U Jafar uba la don 62 snem uba la lait noh na patok ha u bnai ba la leit hadien ba ula shah kem halor ka jingkren pyrshah ia ka sorkar bad ka jingbym sngew iahap ia ka jingleh jong ka ula pynrem jur halor kane ka jingleh donbor bad ka jingbym ai ia ki nongshong shnong ia ka hok kaba ki dei ban kren bad ban pynpaw ia ki jingsngew jong ki.
