Los Angeles:
Ka Blake Lively kaba dang shu ioh ia i khun basaw, ka la kren halor ka jinghap ban mih pyrthei biang sa shisien ban pyndep ia ki kam ki jam kiba dang sah bad kam banse ruh ban hap ieh ia i khun ba dangrit ban leh ia kaei kaba long donkam.
Ha ka jingiakren ka Blake bad ki lad pathai khubor ka la iathuh ba wat ia ki khun baheh ruh ka la hap ban leh kumne namar ba ka hap ban pyndep ia kaei kaba la bynshet ha ka.
Wat lada ka Blake ka sngewsih bad sngewkhia mynsiem halor ka jinghap ban ieh ia ki khun pynban ka la leh ia kane na ka bynta jong ki bad ba kin suk hadien habud.
Ka Blake ka sngewthuh ba ym dei tang ma ka kaba hap ban shu ieh ia ki khun ki kti kumne hynrei kiwei kiwei ki longkmie jong ka Hollywood ki hap ban leh lem ia kane kajuh.
Kane ka puron kaba la shongkurim ia u Ryan Reynolds bad kaba la ak ha ki katto katne ki phlim ba itynnad ka sngew ba ki khun ki kti ki dei kiba wan nyng kong ha ka jingim jong ka bad hadien ka kam bad dei ruh na kane ka daw ba ka ialeh ban shim khia shwa ban peit bad ban sumar ia ki khun bad kumjuh ruh ban trei pat ia ka kam hadien.
Kane ka puron ka sngewthuh shai ba ka lyngkor jong ka jinglong kmie ka dei kaba eh bad khia bha ia ka hynrei kan pyndep ia la ka kamram kumba ka dei ban long.
