Shillong, Ïaïong 29:
Hadien ka jingïoh jingtip ba tikna, ka kynhun ki shipai BSF ba shakri ha ka Jylla, ha ka Sngi Palei ka la ïoh kurup ïa ki jingtah khmat ba kynthup ïa ka ‘Skin Shine’ ba shong dor T.31 lak na ki jaka khappud ka East Jaiñtia Hills da kaba pynpulom ïa ka jingpyrshang ki runar ban khaïi tuh ïa ki sha Bangladesh.
Ïa katei ka song la kurup da ka kynhun 172 Bn BSF hajan BOP- Hangaria, East Jaiñtia Hills, kaba la bret sha ka jaka khlaw kaba hajan khappud da ka jingthmu ban khaïi tuh sha Bangladesh.
Ïa katei ka song ba la ïoh kurup la aiti noh sha ka tnat Customs ban leh ïa kaba donkam.
Ka BSF Meghalaya naduh u Kyllalyngkot, 2023 ka la kurup ïa ki jingtah khmat kiba shong dor palat T.97 lak na khappud India-Bangladesh jong ka Meghalaya.
