Shillong, Ïaïong 28:
Ki nongthep vote kiba la noh ka rta kiba la kynjoh 80 snem shaneng bad kiba la duna dkhot met ki la sdang ban thep vote ha Sohïong konstitwensi na ka bynta ban jied ïa u MLA bathymmai.
Ka jingthep vote ki paidbah ha Sohïong konstitwensi kan long ha ka 10 tarik Jymmang.
Kiba la noh ka rta, kata, kiba la kynjoh 80 snem shaneng bad kiba don jingduna dkhot met, ki ïoh ka lad ban thep vote na la ïing da kaba pyndonkam da ka kot thep vote lane ballot paper.
U Chief Electoral Officer (CEO) u Bah F.R Kharkongor u la ong ba ki don 139 ngut ki nongthep vote kiba la palat 80 snem ka rta shaneng, bad kiba duna dkhot met ki don 54 ngut.
Kine ki nongthep vote kiba la noh ka rta bad kiba duna dkhot met ki pyndonkam da ka form 12 D ban thep vote na la ïing.
