Los Angeles:
U Steven Spielberg u la ai jingiaroh ia ka ‘Indiana Jones and the Dial of Destiny’ ha kaba une u direktor uba la don 76 snem u sngew ba kane ka phlim ka dei kaba u da itynnad shisha bad pynlong ia u ban ai jingiaroh ia kane ka phlim.
Ka ‘Indiana Jones and the Dial of Destiny’ ka dei ka phlim kaba direk da u James Mangold bad kaba la ak da u Harrison Ford bad kane kan long ruh ka bynta ba khatduh eh jong ka Indiana Jones ha kaba yn nym shna ne pynmih shuh ia kiwei kiwei ki bynta hadien.
Ha ka jingwan shim bynta u Steven ula shah kylli jingkylli kumno u sngew halor ka ‘Indiana Jones and the Dial of Destiny’ ha kaba une u direktor u la iaroh bad pynpaw ka jingkmen halor ka jingbiang ka khana jong kane ka phlim bad khmih lynti ba kane kan dei ruh kawei na ki phlim ba itynnad.
Ka jingai jingiaroh u Steven halor kane ka phlim ka dei ynda haba ula wan shim bynta ha ka Screening jong ka. Shuh shuh u Steven ula bynrap ruh ba kiwei kiwei kiba la wan ban shim bynta lang ha ka Screening jong katei ka phlim ki la ai jingiaroh lem kumjuh.
Ka daw halor ka jingthmu ban pynkut noh ia ka Indiana Jones ha ka bynta basan ka dei namar ba u Harrison Ford u nonglam khmat jong kane ka phlim um sngew kwah shuh ban ak ne shim bynta ia ka.
