Los Angeles:
Ki khubor na Hollywood ki iathuh ba ka Katy Perry ka ban sa wan shim bynta ha ka jingpyndeng pynsngiat syiem ia u Charles ka ban long mynta u bnai kan sa wanpoi kham ha shwa jong katei ka sngi ha kaba la iathuh ruh ba ka Katy kan sa ioh ban sah ha Windsor Castel lem bad kiwei kiwei ki nongrwai ki ban shim bynta lang.
Ka Katy ka la shah khot sngew bha ban wan rwai ha ka sngi kyrpang jong u Charles ha kaba kane ka nongrwai kam sngewnud satia ban kyntait ia kane naba ka dei ka sien nyngkong ia ka ban ioh sakhi da la ki jong ki khmat ia kaba kum kane kaei kaei.
Kane ka nongrwai kaba la don 38 snem ka kmen ruh ban ioh sah ha Windsor Castle ha kaba la bunsien ka ju mutdur ialade kumno kan long lada ka ioh ia katei ka lad bad kumno ruh kan long ka jingkmen ia ka.
