Los Angeles:
Ka Drew Barrymore ka bym ju salia ban kren halor ka jinglong jingim jong ka ka la iathuh ba ha ki snem ba la leit ka la thmu ban shim ia la ka jingim ha kaba kane kam dei tang shisien hynrei haduh arsien.
Kane ka puron ha ka show jong ka, ka ‘The Drew Barrymore Show’, ka la iathuh shaphang kane ha ka jingiakren bad ka Madison Beer ha kaba ka Drew ka kmen pat ha kawei ka liang ba kam shim leh ia kano kano kaba sniew ha ka jingim jong ka.
Katkum ka jingphla ka Drew dei na ka daw jong ki jingeh kiba wan ban ia ka bad na ka jingkhia ki jingmut jingpyrkhat kaba la pynlong ia ka ba kam don lad don lynti shano shano ban phai bad rai ban shu shim beit noh ia la ka jingim.
Ka Drew ka sngewthuh ba lada dei ba ka shim ia la ka jingim katta ka jingbabe kan wan bad donbok pat da ka jingpynsngewthuh bad jingiarap lem jong ki paralok parajor ba ka la lait na ka ban leh ia kaei kaei kaba bakla ha ka jingim jong ka.
Kane ka jingjia ka la pynlong ruh ia ka Drew ban ai jingmut ia kiba bun ba ki dei ban ieit ia ka jingim jong ki.
