Mumbai:
Ka khubor na Bollywood ka iathuh ba u Salman Khan u la soi ia kawei ka phlim ban pynmih da u Karan Johar. Ia kane u Salman u la iathuh ha kawei na ki jingwan shim bynta da kaba ong, ba u Karan u la phone ia u ban ak ha kawei ka phlim thymmai ha kaba u Salman u bym pat ju ioh ia ka lad ban ak ha ki phlim u Karan mynno mynno ruh ula treh ban ak ia ka.
Katkum ki lad pathai khubor jong ka Bollywood la iathuh ba u Salman ula soi ia ka phlim u Karan ha shwa ka jingpyllait paidbah ia ka Kisi Ka Bhai Kisi Ki Jaan.
Kane ka phlim thymmai ban pynmih da u Karan kan dei kaba yn direk da u Vishnu Vard han bad ka khana jong kane ka phlim ka dei kawei kaba la khring bha ia u Salman ha kaba um sngewnud satia ban kyntait ia ka.
Ha kaba iadei bad kane ka phlim yn pyllait paidbah haduh ka Eid 2024. U Salman ula dep pynbna ruh ia ka jingsoi jong u ia katei ka phlim ha ka show jong u Rajat Sharma ka Aap Ki Adalat.
Kum u tyngshop u Salman ula kren halor ka jingkwah jong ki nongpynmih phlim ba paw ka Bollywood kiba kynthup kum u Karan Johar kiba kwah ban iatreilang bad u ha kaba ma u ruh kumjuh u don ka jingangnud ban treilang bad ki.
Ha ki snem ba la leit u Salman ula ioh ia ka lad ban ak ha ki phlim u Karan kaba kynthup ka Kuch Kuch Hota Hai. bad hadien 25 snem ula ioh biang ia ka lad ban ak ha ki phlim jong une u nongpynmih phlim.
Haba phai sha ka liang jong ka kam u Salman ula ioh jingiaroh halor ka Kisi Ka Bhai Kisi Ki Jaan kaba la khring bha ia ki nongpeitkai.
Mynta u snem ia une u tyngshop ngin sa iohi ruh ha ka Tiger 3 kaba direk da u Maneesh Sharma bad kumjuh ruh ha ka Tiger vs Pathaan kaba yn direk da u Siddharth Anand.
